Donald Trampın İran strategiyası tənqid edildi

ABŞ prezidenti Donald Trampın İrana qarşı siyasəti qeyri-müəyyən hesab olunur və qarşıdan gələn aralıq seçkilər ərəfəsində ciddi iqtisadi və siyasi risklər yarada bilər.                                    Sun.Az                          

xəbər verir ki, bu barədə "Financial Times" (FT) qəzeti məlumat yayıb.                           

"Ortada konkret strategiya yoxdur. O, qərarlarını vəziyyətə uyğun formalaşdırır. Bu müddətdə isə siz qaz, ərzaq və digər mallara görə daha çox pul ödəyirsiniz", - deyə Kolorado ştatından demokrat konqresmen Ceyson Krou bildirib.

Nəşrin yazdığına görə, hərbi risk ondan ibarətdir ki, İran ABŞ-ın müttəfiqlərinə, hərbi qüvvələrinə və obyektlərinə qarşı cavab hücumlarını davam etdirər və Tramp administrasiyasının geri çəkiləcəyinə inanararsa, yeni zərbələr münaqişənin daha da dərinləşməsinə səbəb ola bilər.

Bundan əlavə, gərginliyin yenidən artması hərbi resursların tükənməsinə və ABŞ ordusunun hərbi texnikasının daha da aşınmasına gətirib çıxara bilər.