Qədim qəbiristanlıqdan çıxan qızıl üzüklər alimləri heyrətləndirdi

Taylandın qərbində aparılan arxeoloji qazıntılar zamanı təxminən 2 min il əvvələ aid iki qızıl üzük aşkarlanıb.                      Sun.Az                   

xəbər verir ki, bu barədə People nəşri məlumat yayıb.                            

Məlumata görə, tapıntı Dəmir dövrünün sonlarına aid edilən Don Yai Tong arxeoloji ərazisində qeydə alınıb. Qazıntılar zamanı arxeoloqlar insan skeletləri, saxsı qablar, bürünc məmulatlar və qızıl zinət əşyaları aşkar ediblər.

Tədqiqatçılar hesab edirlər ki, insan sümüklərinin yanında tapılan artefaktlar həmin dövrdə yüksək təbəqəyə mənsub şəxslərin ritual dəfn mərasimlərinin keçirildiyini göstərir.