Sevgi iki qəlbin bir-birinə "səndə evimi tapdım" deməsidir

Sevgi elə bir hissdir ki, nə məsafə onu azalda bilir, nə zaman köhnəldə bilir, nə də susqunluq unutdura bilir. Həqiqi sevgi sahib olmaq deyil, sevdiyin insanın qəlbində rahatlıq olmaqdır. Onun gülüşündə öz xoşbəxtliyini tapmaq, gözlərində gələcəyini görmək, ən çətin anlarında belə əlini buraxmamaqdır.

Sevgi hər gün "səni sevirəm" deməkdən ibarət deyil. Bəzən bir "özünə yaxşı bax", bəzən gecənin bir aləmində yazılan "evə çatanda xəbər et", bəzən də heç nə demədən yanında qala bilməkdir. Çünki həqiqi sevgi sözlərlə deyil, davranışlarla özünü göstərir.

Sevdiyin insanın qəlbinə yük yox, rahatlıq olmaq... Onun yorğunluğunu bir təbəssümlə azaltmaq, göz yaşını öz sevincin kimi silmək, uğuruna öz uğurun kimi sevinmək sevginin ən gözəl halıdır.

İnsan həyatda çox insan tanıyır. Amma elə biri gəlir ki, bütün təsadüflərin ən gözəli olur. O zaman anlayırsan ki, sevgi nə təsadüfdür, nə də sadəcə hiss. Sevgi iki qəlbin bir-birinə "səndə evimi tapdım" deməsidir.

Və mən inanıram ki, ən gözəl sevgi, bitməkdən qorxmayan deyil, hər gün yenidən seçilən sevgidir. Çünki sevgi bir gün aşiq olmaq yox, hər gün eyni insana yenidən vurulmağı bacarmaqdır. ❤️🌹