Şahzadə Harri və Meqan Britaniyaya qayıdacaqlar

Böyük Britaniya mətbuatının çərşənbə günü verdiyi məlumata görə, Şahzadə Harri və həyat yoldaşı Meqan kral vəzifələrindən istefa verərək ABŞ-a köçdüklərindən altı il sonra bu ay Britaniyaya qayıtmağı planlaşdırırlar.                Loading.Az           

Reuters-ə istinadən xəbər verir ki, "People" jurnalı və Britaniyanın "The Telegraph" qəzetinin verdiyi məlumata görə, Susseks hersoqu və hersoginyası 7 yaşlı şahzadə Arçi və 5 yaşlı şahzadə Lilibet ilə birlikdə Kaliforniyadan Böyük Britaniyaya uzun müddətə köçəcək və uşaqlar sentyabr ayında orada məktəbə başlayacaqlar. Harrinin sözçüsü və ya Bukinqem Sarayından heç bir şərh verilməyib. Lakin cütlüyə yaxın bir mənbə xəbərlərin doğruluğunu təsdiqləyib.               

"The Telegraph" qəzetinin məlumatına görə, cütlük kral iqamətgahında yaşamayacaq. Onlar mərhum Kraliça Yelizaveta ilə 2020-ci ilin mart ayında ayrıldıqları zaman razılaşdırıldığı kimi işləməyən kral ailəsinin üzvləri olaraq qalacaqlar.

Müəllif: İlkin Məmmədkərimov