Həsrətin gecələr yandırır məni.

Saçına, qaşına vurgun olduğum

Tək sənin önündə durğun olduğum 

Ay sənin eşqinə uyğun olduğum 

Həsrətin gecələr yandırır məni

Eşqimiz gizlidi, qasidsən mənə

Uzaqda olsanda, aidsən mənə 

Özündə bilirsən, şahidsən mənə 

Həsrətin gecələr yandırır məni

Bu eşqdə yalan yox, düzgün deyirik

Bilirəm bu sözü üzgün deyirik 

Mən sənə, sən mənə hər gün deyirik 

Həsrətin gecələr yandırır məni

Bu həsrətdə bitər, şair döz deyir

Bunu ürək deyir, bunu göz deyir 

Elqayıt şeirlə, sənə söz deyir 

Həsrətin gecələr yandırır məni..