UEFA-nın əmsallar cədvəli: Azərbaycanın mövqeyi dəyişməyib

Çempionlar Liqasının Liqa mərhələsinin II turunun ilk gününün nəticələri əmsallar cədvəlində dəyişikliklərə səbəb olub.

Loadin.Az Oxu.Az-a istinadən xəbər verir ki, keçirilən 9 matçdan sonra bəzi ölkələrin xal hesabı dəyişsə də, mövqe dəyişikliyi qeydə alınmayıb.

Azərbaycanın da cədvəldəki yeri dəyişməz qalıb. Hesabında 19.125 xal olan ölkəmiz Avropada 27-cidir. Bir pillə öndə olan Rumıniyanın da aktivində eyni xal ehtiyatı var, 28-ci olan Bolqarıstan isə 18.875 xal toplayıb.

Cari mövsümün qazancı 2.375-ə bərabərdir. Ölkə reytinqi üçün "Zirə" 1.250, "Qarabağ" 0.750, "Sabah" 0.250, "Sumqayıt" 0.125 xal əldə edib.

Qeyd edək ki, cədvələ İngiltərə başçılıq edir - 91.160 xal.