Heyif o günlərdən,nə bəxtiyardıq

☘️⚖️📖🌹

Səninlə danışıb deyib,gülərdik,

Heyif o günlərdən,nə bəxtiyardıq.

Dərd-səri həmişə yarı bölərdik,

Heyif o günlərdən,nə bəxtiyardıq.

☘️⚖️📖🌹

Niyə arzularım kama yetmədi? 

Zaman aciz qaldı, həsrət bitmədi,

Xəyalın gözümdən bir an getmədi,

Heyif o günlərdən,nə bəxtiyardıq.

☘️⚖️📖🌹

Həyat xoşbəxtliyi əlimdən aldı,

Firavan ömrümdə dərd yuva saldı,

Qəlbim tənhalıqdan viranə qaldı,

Heyif o günlərdən,nə bəxtiyardıq.

☘️📖🌹⚖️

Bizi ayrı saldı bu zalım fələk,

Adını çəkəndə sızlayır ürək,

Boş xatirələrlə ovunuram tək,

Heyif o günlərdən,nə bəxtiyardıq.

📖🌹☘️⚖️

Həsrətdən doymuşam,gözlərim toxdur,

Bu qərib könlümün kədəri çoxdur,

Artıq yaşamağın,mənası yoxdur,

Heyif o günlərdən,nə bəxtiyardıq.

📘🌹📖Gülnarə Kazımova