Su ilə bağlı gizli “kritik nöqtə” kəşf edildi

Stockholm universitetinin alimləri suyun uzun müddətdir bilinməyən fiziki halını aşkarlayıblar.

Loading.az xəbər verir ki, X-şüa lazerləri ilə aparılan təcrübələrdə həddindən artıq soyudulmuş suyun -63°C və 1000 atmosfer təzyiqdə gizli bir “kritik nöqtəyə” çatdığı müəyyən edilib.

Bu şəraitdə su iki fərqli maye halında mövcud ola bilir, şərtlər dəyişdikdə isə bu iki hal birləşərək tək fazaya çevrilir.

Kəşf suyun niyə qeyri-adi davrandığını və buzun niyə suyun üzərində üzdüyünü izah etməyə kömək edir.

Alimlər bu nəticənin iqlim, geologiya və biologiyada suyun rolunu anlamaq üçün əhəmiyyətli olduğunu bildirirlər.